Bakı, 17 Aprel, AZƏRTAC
Birləşmiş Ərəb Əmirliklərinin “Emirates” aviaşirkəti Britaniyanın “Rolls Royce” konserninin istehsal etdiyi mühərrikləri 9,2 milyard ABŞ dollarına alacaq.
AZƏRTAC xarici KİV-lərə istinadla xəbər verir ki, sifarişin sayı “Rolls Royce” konserni üçün rekord hesab olunur. İmzalanmış müqaviləyə “Trent 900” mühərriklərinin alınması ilə yanaşı, uzunmüddətli texniki xidmət paketi də daxildir.
Mühərriklər “Emirates” aviaşirkətinin 2016-cı ildə istifadəyə verəcəyi 50 ədəd Airbus A380 təyyarəsində quraşdırılacaq. Əvvəllər “General Electric” və “Pratt & Whitney” şirkətlərindən mühərrik alan “Emirates” aviaşirkəti ilk dəfədir ki, “Rolls Royce”a müraciət edib.