Bakı, 16 aprel, AZƏRTAC 
“Forbes” jurnalının məlumatına görə, dünyanin ikinci varlı şəxsi sayılan meksikalı maqnat Karlos Slim öz şəxsi neft şirkətini yaradıb.
AZƏRTAC xarici KİV-lərə istinadla xəbər verir ki, yeni yaradılmış “Carso Oil&Gas” şirkətinin aktiv dəyəri 3.5 milyard Meksika pesosu (təqribən 230 milyon ABŞ dolları) təşkil edir. “Telmex”, “America Movil”, “Grupo Carso” kimi şirkətlər də meksikalı biznesmenə məxsusdur.
Karlos Slimin belə yüksək pillədə mövqe tutması Latın Amerikası regionunda nəhəng “America Movil” rabitə operatorunun səhmlərinin qiymətinin artması nəticəsində mümkün olub. O, 2015-ci ilin yanvarında “New York Times” qəzetinin ən böyük səhmdarına çevrilib. 75 yaşlı Karlos Slimin varidatı 71,2 milyard dollar təşkil edir.