[ 15 Aprel 2015 16:38 ]
Bakı. Mübariz Aslanov – APA. “Qazaxıstan Dağlıq Qarabağ münaqişəsinin həllində, xüsusilə Xocalı soyqırımına ədalətli qiymətin verilməsində daim Azərbaycanın suveren hüququnu dəstəkləyir və sülhün bərqərar olmasını istəyir”. APA-nın məlumatına görə, bunu TürkPA-nın Qazaxıstandan olan baş katibi Jandos Asanov deyib.
J. Asanov bildirib ki, bu, Qazaxıstan rəhbərliyinin birmənalı mövqeyidir və rəsmi Astana Dağlıq Qarabağ münaqişəsinin tezliklə sülh yolu ilə həllini tələb edir: “Bütün bu tələblərin fonunda Qazaxıstan birmənalı olaraq Azərbaycanın ərazi bütövlüyünü dəstəkləyir və Azərbaycanın yanındadır”.
