Nemtsov sevgisi biznesə çevrilir. ANS PRESS-in "Komsomolskaya Pravda"ya istinadla verdiyi məlumata görə, fevralın 27-də güllələnərək qətlə yetirilən müxalifətçi Boris Nemtsovun ölümündən sonra üzə çıxan dizayner Anna Lesnikova ortaq keçmişlərindən pul qazanmağa çalışır.

Nemtsovun oğlunu dünyaya gətirdiyini iddia edən Lesnikova deyir ki, 17 yaşlı oğlu Nemtsova çox bənzəyir.

Anna və Boris arasında münasibət ikinci Nijni Novqorodda qubernator olan zaman başlayaıb. O zaman Boris həyat yoldaşı Raisa, Anna isə qızı və vətəndaş nikahındakı Yuri ilə yaşayıb. Hamilə olduğunu biləndə bu barədə Nemtsovla danışıb və körpəni dünyaya gətirməyə qərar verib.

Danieli Anna vətəndaş nikahındakı ərinin soyadı ilə qeydiyyata saldırıb. Onun yoldaşı həm böyük zavoddun icracı direktoru, həm də tikinti malları mağazasının sahibi olub. Dizayner olan qadın həmişə Moskvada yaşamaq istəyib. Bir neçə il öncə o nəhayət arzusuna çatıb və geyim mağazası açıb. Oğlu bu müddət ərzində məktəbi bitirib və Amerikada təhsilini davam etdirmək istəyib.

Ancaq ögey atası Yurinin maliyyə problemləri başlayıb. Böhran Annanın da biznesinə təsirsiz ötüşməyib.

Yarım il öncə Lesnikova Nemtsovdan Danielin ABŞ-da təhsil xərclərini ödəməsini istəyib. Siyasətçi razılaşıb. Amma şərt qoyub - oğlu ilə görüşmək. Bundan sonra Anna həqiqətləri oğluna danışıb.

"Daniel üçün bu əsl şok idi. O, baş verənlərə inanmırdı, Nemtsovla tanış olmaqdan imtina edirdi. Dedi ki, daima onun yanında olan şəxsi atası hesab edir. Bu müddət ərzində bioloji atası ilə tanış olmaq istəməyib. Nemtsovun öldürülməsi isə ona daha bir zərbə oldu. Öz Facebook səhifəsində də yazmışdı - atamla görüşməyə güc tapmadığım üçün təəssüflənirəm".

Maraqlısı odur ki, A. Lesnikova bu açıqlamasından sonra müsahibələri belə pulla verməyə başlayıb. Bunu onun köməkçisi də etiraf edir. "Biz müsahibə veririk. Amma ödənişlə. Bunun qiyməti 300 min rubldur. Burada təəccüblü nə var? Ancelina Coli yenidoğulan körplərinin fotosu üçün pul istəyəndə heç kim təəccüblənmir".

А.Lesnikova artıq oğlunun haqları üçün mübarizə aparacağını açıqlayıb. İlk iş isə varislərin sırasına düşmək üçün DNT analizinin keçirilməsidir. Yeri gəlmişkən qeyd edək ki, varislərin sayı məsələsi də açıqdır.

Mənbə
ANS PRESS