"Valyuta ilə bağlı səmərəli yumşalma aparmaq Avropaya iqtisadi hədəflərinə nail olmağa kömək edə bilər. Amma uzunmüddətli perspektivdə bu siyasət dünya ehtiyat valyutası kimi avronun nüfuzunu şübhə altına qoyur."

ANS PRESS-in məlumatına görə, bu barədə Bloomberg yazıb.

Məqalədə bildirilir ki, bir çox ölkədə Mərkəzi Banklar gələcək qiymətsizləşməni nəzərə alaraq avro ehtiyatlarını azaltmağa başlayıb. Hazırda avro dünya valyuta ehtiyatının yalnız 22%-ni təşkil edir. Bu, beş il bundan əvvəlki maliyyə böhranı zamanı yaranmış borcdan 28% azdır. Beynəlxalq Valyuta Fondunun məlumatına görə, Dünya Bankının balansında dolların və yenanın miqdarı artıb. Bu halda keçən ilin dördüncü rübündə Dünya Bankının ehtiyatlarından təqribən 100 milyard avro satılıb.

Tokionu "Mizuho" təşkilatının və Avropa Komissiyasının keçmiş əməkdaşı, bazar üzrə iqtisadçı Daysuke Karakamanın fikrincə, əgər vəziyyət belə gedəcəksə, avro iqtisadi cəhətdən boğulacaq. Dünya Bankının rəhbərləri də bunu düşünürlər. O, nümunə kimi Yaponiyanı misal gətirib: "İqtisadiyyatın stimullaşdırılması müxanizminin tətbiqindən sonra iqtisadi artım gözlənilirdi, amma, bu, baş vermədi."

Yazıda deyilir ki, Avropa Mərkəzi Bankının (AMB) prezidenti Mario Draqi əvvəllər avronun kursunun düşməsini alqışladı, çünki düşünürdü ki, zəif mübadilə kursu regionun mallarını daha çox rəqabətə davamlı edir. Lakin sonra M.Draqi etiraf etdi ki, zəif avro ilə regionun iqtisadiyyatına kömək etmək mümkün deyil. İndi deflyasiya spiralının qarşısını almaq onun məsələsidir.

Avronun dəyərdən düşməsi (1,1 trilyon avroya 1,2 trilyon dollar) başqa ölkələrin Mərkəzi Banklarını səmərəli yumşalma proqramı çərçivəsində AMB-dən istiqraz vərəqələri almağa vadar edir. Amma 1999-cu ildə bu valyutanın tətbiqindən sonra avronun qlobal statusu üçün ən böyük təhlükə yaratdı. Bütün bunlar bankları oyadır ki, avro üzrə məzənnə proqnozları yenə aşağı düşəcək.

Tanınmış "Citigroup" və "Goldman Sachs" investisiya şirkətləri də bu il ərzində avronun dollara nisbətən xeyli aşağı düşəcəyi fikrindədir.
Mənbə
ANS PRESS