Bakı, 13 aprel, AZƏRTAC
ABŞ-ın Los-Anceles şəhərindəki Nokia teatrında MTV musiqi telekanalının Movie Awards 2015 laureatlarının 24-cü mükafatlandırma mərasimi keçirilib.
AZƏRTAC Euronews telekanalına istinadla xəbər verir ki, rejissor Coş Bunun çarəsiz xəstəlikdən əziyyət çəkən iki cavanın münasibətlərindən bəhs edən “Ulduzlar günahkardır” ekran əsəri ilin filmi nominasiyasının qalibi olub.
Bu filmdə rol alan aktrisa Şeylin Vudli “Ən yaxşı qadın rolu” mükafatına layiq bilinib. Ən yaxşı aktyor isə rejissor Klind İstvudun “Snayper” filmində baş rolu ifaçısı Bredli Kuper elan edilib.
Qeyd edək ki, MTV-nin Movie Awards kino mükafatı hər ilin aprel ayında təqdim olunur. Onun qalibləri isə xalq səsverməsinin nəticələrinə əsasən müəyyən edilir.