Bakı, 9 aprel, AZƏRTAC
Aprelin 9-Bakıda işə başlayan VIII Beynəlxalq Xəzər neft-qaz, ticarət-nəqliyyat konfransı çərçivəsində Bakı Ali Neft Məktəbi (BANM) ilə Böyük Britaniyanın “Confidence Capital” şirkəti arasında əməkdaşlıq haqqında razılaşma imzalanıb.
BANM-dən AZƏRTAC-a bildiriblər ki, razılaşmanın məqsədi Bakı Ali Neft Məktəbi və “Confidence Capital” şirkəti arasında qabaqcıl texnologiyalar, yanacaq-enerji kompleksinin inkişafı haqqında Bakıda, Londonda və digər şəhərlərdə seminar, konfrans, yay və qış məktəbləri, stajkeçmə, ixtisasartırma və yenidənhazırlama kursları təşkil edilməsi, biliklərin dövlət orqanlarının, şirkətlərin, müəssisələrin, elm və təhsil mərkəzlərinin, qeyri-hökumət təşkilatlarının mütəxəssislərinin, tələbələrin arasında yayılması sahəsində əməkdaşlığın qurulmasıdır.