Türkiyə prezidenti Rəcəp Tayyib Ərdoğan Daxili Təhlükəsizlik haqqında qalmaqallı qanun layihəsini imzaladı.

ANS TV-nin məlumatına görə, bu gündən etibarən yeni qanun artıq qüvvəyə minib. Təhlükəsizlik qanununa dəyişikliyin olunmasında 2014-cü ilin oktyabr ayında kürd fəalların keçirdiyi kütləvi etirazlardan sonra qərar verilib.

Yeni qanuna görə, iğtişaşlar və icazəsiz etiraz aksiyaları hallarında polisin səlahiyyətləri artırılıb. Asayışı pozanlara qarşı isə cəzalar daha da sərtləşdirilib. Belə ki, etiraz aksiyalarında üzlərini tam və ya qismən örtən etirazçıları 5 ilə qədər azadlıqdan məhrum etmə gözləyir. İğtişaşlar baş verən zaman şüşə qablar, molotov kokteylləri, fişənglər, dəmir şarlar və digər bərk vasitələrdən istifadə edən şəxslər isə sərt bir şəkildə cəzalandırılacaqlar.

Polis sadalanan təhlükəli əşyalarla hücum edən şəxslərə qarşı bundan sonra silah tətbiq edə biləcək. Həmçinin icazəsiz aksiyalar zamanı cinayət işi açılmadan şöbədə saxlama müddəti 24 saatdan 48 saata qaldırılıb.

Etirazçıların üzərinə baxış keçirilməsi, maşınlarında axtarış aparılması üçün hüquq-mühafizə orqanlarının yazılı məktubu bəzi müstəsna hallarda isə şifahi icazəsi belə kifayət edəcək. Bu qanun layihəsi Türkiyədə birmənalı qarşılanmır.

Mənbə
ANS-TV