Paris, 4 aprel, AZƏRTAC
Fransanın ən qocaman sakini xanım Mari Brüdyö 114 yaşında dünyasını dəyişib. 1901-ci il martın 26-da ölkənin Korrez departamentinin Sen-Salvador yaşayış məntəqəsində anadan olan ən yaşlı qadın ailəsindən yeganə sağ qalan qardaşı oğlu ilə birlikdə 114 yaşını qocalar evində qeyd etdikdən bir neçə gün sonra dünyasını dəyişib.
Mari Brüdyödən üç ay kiçik olan xanım Olimpus Amori hazırda Fransanın ən yaşlı sakinidir.
1901-ci il iyunun 19-da dünyaya gələn Olimpus Amori 90 yaşlı oğlu ilə birlikdə yaşayır. Bir neçə aydan sonra 114 yaşına qədəm qoyacaq xanımın jurnalistlərlə görüşündə oğlu Klod Amori anasının bir dəfə də həkimə müraciət etmədiyini, bir az ağır eşitdiyini, hər gün yalnız beş meyvə və tərəvəz yediyini bildirib.
Əsgər Əliyev
AZƏRTAC-ın xüsusi müxbiri
Paris