Ağsu, 4 aprel, AZƏRTAC
Cari ilin birinci rübü Ağsu heyvandarları üçün uğurlu olub.
Rayon statistika idarəsindən AZƏRTAC-a verilən məlumatda göstərilir ki, 2015-ci ilin ilk üç ayında diri çəkidə 1181 ton ət, 6832 ton süd, 2 milyon 653 min ədəd yumurta istehsal edilib. İstehsal olunan məhsullar ötən ilin müvafiq dövrü ilə müqayisədə artıb. Belə ki, artım ət istehsalında 12 ton, süd istehsalında 101 ton, yumurta istehsalında isə 16 min ədəd təşkil edib.
Ümumiyyətlə, bölgədə aqrar sektorda aparıcı sahələrdən olan heyvandarlığın intensiv inkişafı təmin olunub. Bu ilin birinci rübündə mal-qaranın və davarların baş sayı da ötən ilin birinci rübü ilə müqayisədə çoxalıb. Belə ki, iribuynuzlu mal-qara 45 baş artaraq 40666 başa, davarlar isə 522 başa artaraq 160 min 188 başa çatıb.