Rəsmi Moskva İrəvan hakimiyyətindən və onların apardığı siyasətdən, bu ölkədə Rusiyaya qarşı artan narazılıqdan olduqca narahatdır. Bəzi məsələləri aydınlaşdırmaq və hesabat vermək məqsədilə Ermənistanın xarici işlər naziri Edvard Nalbandyan Kremlə çağırılıb.

ANS PRESS-in məlumatına görə, Rusiya Xarici İşlər Nazirliyinin nümayəndəsi Aleksandr Lukaşeviç bildirib ki, onun səfəri aprelin 7-8-də baş tutacaq.

Rusiyanın XİN rəhbəri Sergey Lavrovla keçiriləcək görüşdə siyasi, iqtisadi və humanitar sahələrdə ikitərəfli, həmçinin Avrasiya İqtisadi İttifaqı çərçivəsində əməkdaşlıq məsələləri müzakirə olunacaq.

Bəzi müstəqil erməni ekspertlər bununla bağlı bildiriblər ki, son vaxtlar prezident Serj Sarkisyanın hərəkətləri Krem üçün şübhəli görünür. Rusiya parlament nümayəndə heyətinin İrəvana son səfəri zamanı ermənilərin davranışı Moskvanı qane etməyib. Elə buna görə də Kreml İrəvan hakimiyyətinə qulaqburması verəcəyi qaçılmazdır.

Mənbə
ANS PRESS