Ermənistan Çin Xalq Respublikasından silah alacaq.

ANS PRESS-in məlumatına görə, belə bir iddia ilə "Haykakan Jamanak" qəzeti çıxış edib. Nəşrin yazdığına görə, Ermənistan prezidentinin Çinə səfərinin əsas məqsədi silah alışı ilə bağlı razılıq əldə etmək idi.

24 - 28 mart tarixlərində Çində səfəri zamanı Serj Sarkisyan əlverişli şərtlərlə bu ölkədən ucuz silah almağa cəhd edib. Ancaq aparılan danışıqlar barədə hələlik dəqiq məlumatlar verilmir.

Nəşrin iddiasına görə, Çin türkdilli ölkələrə qarşı antipatiya bəsləyir. Məqalədə qeyd edilir ki, Çin Ermənistanın Türkiyə və Azərbaycan arasında yerləşdiyini nəzərə alaraq ucuz silah satışına müsbət reaksiya verib.

Rusiya və digər Dünya ölkələri Azərbaycana silah satdığı üçün ittiham edən Sarkisyan rəhbərliyi indi Çindən "kitayski" silah almağa çalışır. Görünür rəsmi İrəvan ucuz silah almaqla cılız ordusunun eyibini gizlətmək istəyir.
Mənbə
ANS PRESS