Həmin üç məsələ bunlardır: razılaşmanın fəaliyyət müddəti, BMT sanksiyalarının ləğv ediləcəyi tarix, İranın müqaviləni pozacağı halda qadağaların tətbiqi mexanizmi.
Məlumatda bildirilib ki, martın 31-dək bu məsələlərin öz həllini tapacağı hələlik aydın deyil.
Diplomatın sözlərinə əsasən, İran razılaşmanın şərtlərini indiki halda qəbul edib-etməməsinə cavab verməlidir. O, İslam Respublikasının mövcud durumunu belə səciyyələndirib: "Bəzən elə vəziyyət yaranır ki, siz ya "hə", ya da "yox" deməlisiniz".
Xatırladaq ki, on günə yaxındır İranın nüvə proqramı üzrə ABŞ-İran, İran - "altılıq" (ABŞ, Almaniya, Britaniya, Fransa, Rusiya və Çin) arasında danışıqlar gedir. Xəbərlərə əsasən, bu müzakirələrin yekunu olaraq martın 31-də razılaşma imzalanmalıdır.