Bakı. 28 mart. REPORT.AZ/ ABŞ prezidenti Barak Obama Səudiyyə Ərəbistanı kralı Salman bin Əbdül-Əziz əl-Saudla telefonla danışıb.
"Report" "Anadolu" Agentliyinə istinadən xəbər verir ki, bu haqda Ağ ev məlumat yayıb.
Danışıq zamanı tərəflər iki ölkə arasında "güclü dostluğun" olduğunu vurğulayıblar. ABŞ prezidenti Yəmən prezidenti Abdurabbu Mansur Hadinin tələbi əsasında Səudiyyə Ərəbistanı, habelə Körfəz Ərəb Dövlətləri Əməkdaşlıq Şurası üzvlərinin Yəməndə başladıqları birgə hərbi hərəkatı ölkəsinin dəstəklədiyini vurğulayıb.
B.Obama Səudiyyə Ərəbsitanının təhlükəsizliyi ilə bağlı Vaşinqtonun üzərinə götürdüyü öhdəliyi xüsusi olaraq qeyd edib.
Hər iki ölkənin lideri bildirib ki, Yəməndə davamlı sülhə nail olunması ortaq hədəflərdəndir. B.Obama və kral Salman Yəməndəki problemin həllinin siyasi danışıqlardan keçdiyini vurğulayıblar. BMT-nin təşəbbüsü və Əməkdaşlıq Şurasının təklifi ilə ölkədəki bütün partiyalarla bu məsələ ətrafında müzakirə aparılıb. ABŞ prezidenti və Səudiyyə Ərəbsitanının kralı da danışıqları dəstəklədiklərinin= deyiblər.