"Təqribən yüz il öncə Andronik Ozanyan adlı bir Osmanlı generalı erməni milliyətçiliyinin hərbi lideri kimi Azərbaycan türklərinə qarşı ən amansız qətliamları həyata keçirməyə başladı və nəticədə minlərlə insanımızın soyqırımına səbəb oldu".

ANS PRESS-in məlumatına görə, bunu millət vəkili Fazil Mustafa deyib. O bildirib ki, bu tarixin üzərindən heç yüz il keçməmiş Andronik Qriqoryan adlı bir erməni əsgəri Azərbaycan ordusuna könüllü şəkildə təslim olub:

"Demək ki, ermənilərin yeni nəslinin Andronikləri adlarını daşıdıqları babalarının yolunu getməkdən uzaqlaşırlar", - deyə deputat söyləyib.

Qeyd edək ki, Martın 22-də günorta saatlarında ilkin məlunata görə 1991-ci ildə Xocavənd rayonunda anadan olmuş, Ermənistan silahlı qüvvələrinin hərbçisi, müqavilə əsasında hərbi xidmət keçən hərbi qulluqçu Andranik Araratoviç Qriqoryan öz hərbi hissəsini tərk edərək könüllü surətdə Azərbaycan tərəfinə təslim olub. Qoşunların təmas xəttini keçən erməni hərbçisi hərbi qulluqçularımız tərəfindən saxlanılıb.
Mənbə
ANS PRESS