Rusiya gələcəkdə saatda 2 min kilometrdən artıq sürət yığan nəqliyyat təyyarəsi hazırlayır.

ANS PRESS-in məlumatına görə, PAK TA adı verilən yeni layihə həyata keçirildikdən sonra Rusiya ordusunun tankları və ağır silahları 7 saat ərzində dünyanın hər tərəfinə çatdıra biləcək.

Rusiya mətbuatının yazdığına görə, yeni nəqliyyat təyyarəsi 200 tona yaxın yükü daşıya bilmə qabliyyətinə malikdir. 2024cü ilə qədər bu təyyarədən 80 ədəd isyehsal ediləcək.

Yeni layihənin əsas məqsədi Rusiyanın yeni nəsil Armata tanklarını və digər ağır silahları daşımaqdır.

Laiyhə üzərində bir neçə ildir ki, işlər gedir. Əgər yeni nəsil nəqliyyat təyyarələri istehsal olunarsa, Rusiya tankları hava vasitəsilə dünyanın istənilən nöqtəsinə aparaıla biləcək.

Qeyd edək ki, bu layihə 1980-ci illərdə gündəmə gəlmişdi. Lakin SSRİ dağıldıqdan sonra layihə dayandırılmışdı.

Mənbə
ANS PRESS