MINI şirkətində konseptual Superleggera Vision rodsterin seriya buraxılışına başlamaq qərarına gəliblər. Avtomobilin ərsəyə gətirilməsində İtaliyadan olan kuzov emalatxanası Touring Superleggera iştirak edib. Seriya buraxılışının 2018-ci ildə başlanması gözlənilir. Bu məlumat xarici mətbuatda şirkətdəki mənbəyə istinad edilərək dərc edilib.
 
Milli.Az 4charx.com-a istinadən bildirir ki, MINI Superleggera Vision prototipinin premyerası keçən il baş tutub və o zaman avtomobil çoxlu müsbət rəy qazanmışdı. Yeni rodsterin brendin model sırasında Coupe və Roadster modellərini əvəz edəcəyi gözlənilir. Ekspertlər hesab edirlər ki, MINI Superleggera Vision seriya versiyası prototiplə müqayisədə müəyyən dəyişikliklərə məruz qalacaq, lakin əsas üslub xüsusiyyətləri hər halda qorunub saxlanacaq.
 
Milli.Az