Türkiyədə itkin düşən azərbaycanlı qadın tapıldı. ANS PRESS-in "Milliyət"ə istinadla verdiyi məlumata görə, 40 yaşlı İlhamə Akbay qadınlar üçün olan sığınacaqda aşkarlanıb.

Məlumata görə, qadın 23 illik həyat yoldaşı tərəfindən şiddətə məruz qaldığı üçün evdən qaçıb. Döyülən qadın iş adı evdən çıxaraq geri qayıtmayıb.

İki uşaq anası ərinin əzablarına dözə bilmədiyi üçün Ailə və Sosial Siyasət rayon idarəsinə müraciət edib. Qadın müraciətindən sonra başqa bir şəhərdəki sığınacağa göndərilib.

Xatırladaq ki, Iğdırda yaşayan və aşpaz kimi çalışan qadının itkin düşməsi barədə polisə məlumatı onun həyat yoldaşı 47 yaşlı Hakan Akbay vermişdi. O, 23 illik azərbaycanlı həyat yoldaşı ilə bağlı heç bir probleminin olmadığını iddia edirdi.

Həyat yoldaşına əzab verən kişi isə indi iki övladı ilə çarəsiz qalıb. O, qadına şiddət göstərdiyi üçün peşman olduğunu deyib. "Bir daha nə döyəcəm, nə də söyəcəm. Nə istəsə hamısı yerinə yetirəcəm".
Mənbə
ANS PRESS