Bir neçə gün öncə Tatarıstan Respublikasının Kazan şəhərində baş verən yanğında ölən ikinci azərbaycanalının da adı açıqlanıb. Azərbaycanlılar Konqresinin sədri Ziyafət Qasımovun ANS PRESS-ə verdiyi məlumata görə, “Admiral” ticarət mərkəzindəki yanağın zamanı ölən 54 yaşlı Tamilla Hüsü qızı Muxtarovadır.

Meyiti tapılan digər azərbaycanlı 20 mart 1996-ci il təvəllüdlü Pərviz Paşayev olub.

"Artıq yaxınları meyitləri götürüblər. Onların bu gün ərzində Azərbaycana yola salınması hözlənilir. Mərhumların ikisi də öz vətənlərində dəfn ediləcəklər. Yaralılar arasında azərbaycanalılar var idi. Onların xəsarətləri yüngül idi. Ancaq Salam Bəxtiyar oğlu Tağıyevin xəsarətləri ciddi idi. lakin onun vəziyyəti də artıq yaxşılaşıb".

Xatırladaq ki, azərbaycanlı sahibkara məxsus “Admiral” ticarət mərkəzində yanğın martın 11-də baş verib. Yanğın zamanı 17 nəfər ölüb.


Mənbə
ANS PRESS