Roma Papası I Fransisk bir neçə il ərzində pontifik kürsüsünü tərk edəcəyini bəyan edib.

ANS PRESS-in məlumatına görə, Papa Meksika televiziyasına müsahibəsində pntifik vəzifəsində maksimum 4-5 il qala biləcəyini deyib.

"Məndə belə hiss var ki, pontifiklik müddətim qısa olacaq. Bu müddət 2-3 il də ola bilər. Hiss edirəm ki, Tanrı məni bura qısa müddətə gətirib"- deyərək, açıqlama verib.

Roma Papası I Fransisk vəzifədən gedəcəyini desə də, bunun səbəblərini açıqlamayıb. Səbəblərin açıqlanmaması isə ona qarşı təzyiqlərin olduğu söz-söhbətini yaradır.

Onun bu açıqlamasından sonra katolik xristianları təşvişə düşüb. Kimi onun səhhətində problemlərin olduğunu düşünür, kimi isə Papanın təzyiqlərə görə belə addım atmağa qərar verdiyini deyir.

Vatikan rəhbərinin vəzifəyə gəlməsindən artıq 2 il ötür. Roma papası I Fransiskin sələfi 16-cı Benediktin vəzifədən getməsinin səbəbi səhhətində yaranan problemlər olmuşdu.
Mənbə
ANS PRESS