Bakı, 13 mart, AZƏRTAC 
Azərbaycan Rusiya Federasiyasına kütləvi turist axınının ən çox müşahidə olunduğu ilk on ölkə sırasındadır.
AZƏRTAC xəbər verir ki, bu barədə məlumat “RİA Novosti”nin saytında yerləşdirilən “2004-cü ildə Rusiyaya 25,4 milyondan çox xarici turist gəlib” sərlövhəli materialda yer alıb.
2014-cü ildə turizm məqsədi ilə Rusiyaya gələn 25,4 milyon əcnəbi arasında birinci yeri Ukrayna (8,4 milyon nəfər), ikinci yeri Qazaxıstan (3,7 milyon), üçüncü yeri Polşa vətəndaşları (1,8 milyon nəfər) tutur. Materialda deyilir ki, kütləvi turist axınının ən çox müşahidə olunduğu ilk on ölkə sırasına daha sonra Finlandiya (1,4 milyon), Özbəkistan (874 min), Çin (874 min), Azərbaycan (818 min), Moldova (618 min), Ermənistan (601 min) və Almaniya (548 min) daxildir.