Bakı, 11 mart, AZƏRTAC
Dövlət Sosial Müdafiə Fondunun (DSMF) sədri Elman Mehdiyev martın 18-də, saat 11:00-da İmişli şəhərində yerləşən Heydər Əliyev Mərkəzində İmişli, Saatlı, Sabirabad, Cəbrayıl, Beyləqan, Xocavənd və Füzuli rayonlarının sakinləri olan məcburi dövlət sosial sığorta ödəyiciləri və pensiyaçılar üçün qəbul keçirəcək.
DSMF-nin İctimaiyyətlə əlaqələr sektorundan AZƏRTAC-a bildiriblər ki, qəbula yazılmaq və əlavə məlumat almaq istəyən vətəndaşlar DSMF-nin info@sspf.gov.az elektron poçt ünvanı, həmçinin aşağıdakı telefon nömrələri ilə əlaqə saxlaya bilərlər:
Fondun Aparatında (012) 434-12-34
İmişli rayon şöbəsində (02124) 6-36-68
Saatlı rayon şöbəsində (02128) 5-27-02
Sabirabad rayon şöbəsində (02123) 5-50-56
Cəbrayıl rayon şöbəsində (02638) 4-62-02
Beyləqan rayon şöbəsində (02122) 5-29-63
Xocavənd rayon şöbəsində (02122) 3-52-17
Füzuli rayon şöbəsində (02631) 5-54-06
Qəbulda iştirak edəcək vətəndaşların martın 18-da DSMF-nin müvafiq rayon şöbələrinin inzibati binasının qarşısından xüsusi ayrılmış nəqliyyatla qəbulun keçiriləcəyi ünvana aparılıb-gətirilmələri təmin olunacaq.