Rusiya Dumasının üzvləri Bakıya “Qəhrəman şəhər” adı verilməsini məqsədəuyğun sayır.

ANS TV-nin məlumatına görə, ikinci dünya müharibəsində qazanılan zəfərdə Bakının rolu danılmazdır. Ancaq təəssüflər olsun ki müharibə zamanı sovet ordusunun neft ehtiyacının 80 faizini qarşılayan Bakıya hələ də layiq olduğu “Qəhraman şəhər” statusu verilməyib. Qələbənin 70-ci ildönümü ərəfəsində Bakıya bu statusun verilməsi rus millət vəkilləri tərəfindən də məqsədəuyğun sayılır. Rusiya Kommunist partiyasının lideri Gennadi Zyuqanov hətta bu məsələni Dumada müzakirəyə çıxarmağa hazır olduğlarını deyir.

“Ancaq konkret Bakıya gəlincə bunu deyə bilərəm ki, cəbhəyə yollanan neftin 80 faizi azərbaycanlıların göndərdikləri neft idi. Ona görə mən Bakıya “Qəhraman şəhər” statusu verilməsinə müsbət baxıram. Təklifinizi göndərin müzakirə edək”, - deyə Gennadiy Zyuqanov bildirib.

Millət vəkili, general Nikolay Antoşkin də Bakıya “Qəhrəman şəhər” status verilməsi ilə bağlı bu fikirdədi.

“Bakının rolu bu qələbədə danılmazdır. Bakı nefti olmadan təyyarələrimiz və tanklarımız hərəkət edə bilməzdi. Bakıya heç olmasa “Savaş” Şöhrəti ordeni verilməlidir”-deyə Nikolay Antoşkin söyləyib.

Bu il 9 Mayda qələbənin 70 illiyi münasibəti ilə keçiriləcək anım mərasiminə Azərbaycan prezidentı də daxil olmaqıla 60-a yaxın dövlət başçısı dəvət edilib.

Mənbə
ANS-TV-Aqşin Sabiroğlu