ABŞ-ın iddiasına Rusiyadan sərt cavab gəlib.

ANS PRESS-in məlumatına görə, ABŞ iddia edir ki, Ukraynanın şərqində Rusiya hərbi qüvvələri var və əllərində bunu sübut edəcək fotolar mövcuddur.

ABŞ Dövlət Katibinin müavini Antoni Bilinkenin sözlərinə görə, ABŞ hələlik Ukraynaya özünü müdafiə üçün silah vermək barədə qərar qəbul etməyib. Amma, Blinken ölkəsinin Ukraynaya silah yardımı etmək məsələsini müzakirə etdiyini qeyd edib.

ABŞ rəsmisi bildirib ki, bu il Ukrayna ordusuna 120 milyon dollarlıq texniki yardım etmək haqqında qərar qəbul olunub.

ABŞ-ın bu mövqeyinə qarşı cəbhədən cavab gecikməyib. Rusiyanın Birləşmiş Millətlər Təşkilatındakı daimi nümayəndəsi Vitali Çurkin Ukraynada ABŞ əsgərlərinin olmasının fəlakətə səbəb ola biləcəyi xəbərdarlığını edib. Rusiya tərəfi də Ukraynanın Lvov bölgəsində 300 ABŞ əsgəri olduğunu iddia edir.

Qeyd edək ki, Kiyev rəhbərliyi ölkədə hər hansı xarici qüvvənin olmadığını bildirib.
Mənbə
ANS PRESS