Çox vaxt reseptə tam əməl etsək də, sobada bişən şirniyyat və digər un məhsullarının yetərincə şişməməsindən, üzərinin qızarıb, içərisinin çiy qalmağından şikayətlənirik. Bəzən də, ruhdan düşürük.
Publika.az-ın bu tövsiyələrindən sonra sobada hazırladığınız şirniyyatlar ümümiyyətlə istənilən növ xəmir işlərinin dadı və görünüşü ürəyinizcə olacaq.
Öncə elekrik soba ilə bağlı bir neçə tövsiyyəni nəzərinizə çatdıraq:
Təbii ki, elekrik soba olduqca rahatdır. Çünki burda bişmə temperaturunu özünüz dəqiq idarə edə bilirsiniz. Lakin diqqət etməli olduğumuz bir neçə məqam var:
- Sobanı yandırmazdan öncə içərisindəki artıq əşyaları çıxartmağı unutmayın, hətta dəmir barmaqlığı. Çünki, istənilən yad cisim sobanın qızmağına mane ola bilər.
- Sobanı hər zaman şirniyat hazırlamazdan 15 dəqiqə öncə qızdırın.
- Bəzi keramik və şüşə qabda bişirilən təamları soyuq sobaya qoyub, sonra yandırmaq lazım gəlir. Bu zaman xəmirə diqqət edin əgər çox qalxarsa, üzərinə nəm perqament kağızı qoymaq lazımdır.
- Soba sinisini və qabını heç zaman sobanın dibinə qoymayın, dəmir barmaqlığın üzərində bişirin.
- Əgər sobanızda bişən un məhsulları quru alınır və çatlayırsa, bişmə prossesinin ilk yarısında sobaya su ilə dolu bir qab qoyun( təbii ki, soba istiliyinə davamlı)
- Qaxlmağını gözlədiyiniz xəmirləri sobaya qoyduqdan sonra, bişən müddətdə qapağını açmayın. Qapağı isə ehtiyyatla yavaşca bağlayın ki, xəmir yatmasın.
- Xəmirin bişib-bişmədiyini kibrit və ya diş çöpü batıraraq, müəyyən edin. Əgər çöp quru çıxarsa, xəmiriniz tam hazırdır.
Sonda isə müxtəlif bişmələrin hazırlanma dərəcələrini təqdim edirik:
- Mayalı xəmir – 180 °С
- Kiçik ölçülü un məmulatları ( qurabiyə, pryannik və s.) —210–220 °С
- Hündür ölçülü un məmulatları —175–190 °С
- Qat-qat xəmirdən hazırlanan məmulatlar 200–220 °С
- Beze, merengi, fransız makaronları — 100–130 °С
Leyla Sarabi
