Bakıda zibillikdə külli miqdarda civə aşkarlanıb.
Metbuat.az-ın trend.az-a istinadən verdiyi məlumata görə, hadisə paytaxtın Binəqədi rayonunda baş verib.
Rayonun 80 saylı MKİS-inin sahə nəzarətçisi, 1966-cı il təvəllüdlü Əzizov Teyyub Əmirxan oğlu Binəqədi rayonu, S.Sani Axundov küçəsi, 3 ünvanının qarşısında təmizlik işləri apararkən içərisində civə olan 0,5 litrlik şüşə qab aşkarlayıb.
O, dərhal hadisə barədə Binəqədi rayon Polis İdarəsinin 5-ci polis bölməsinə məlumat verib.
Polis əməkdaşları hadisə yerinə gələrək 0,5 litrlik civəni müvafiq qaydada qablaşdıraraq götürüb.
Faktla bağlı araşdırma aparılır.
Azərbaycanda “Bərəkət ilahəsi” tapılıb - VİDEO - Oxumaq üçün tıkla
