Bursa Böyükşəhər Bələdiyyəsi tərəfindən Merinos Tekstil Sənaye Muzeyində təşkil edilən festivala Yaponiya və Bolqarıstandan 14 əcnəbi kolleksiyaçı gəldi.
 
Milli.Az TRT-yə istinadən bildirir ki, festivalda Bursa Təkmilləşmə İnstitutunun hazırladığı "İynə Oyası Qiyafətlər Dəfiləsi" keçirildi. Yerli və xarici iştirakçıların öz mədəniyyətlərində ipək iynə oyasını nümayiş etdirdiyi festival çərçivəsində Mudanya rayonundakı Mirzaoba və İznik rayonunun Müşkülə kənd məhəllələrində işçi görüşləri (work shoplar) təşkil ediləcək.
 
 Kolleksiyaçı İbrahim Koca, İkumi Nonaka, Aytən Sürür, Şadiye Çetintaş, Nurdan Karhan, Ercan Topçu və Əminə Səmra Erkanın kolleksiyalarının təqdim olunduğu festival sentyabrın 30-dək davam edəcək.
 
 Böyükşəhər Bələdiyyəsinin rəhbəri Əlinur Aktaş tədbirin açılış mərasimində çıxış edərək festivalda ipəyin bacarıqlı əllərdə tamamilə başqa bir sənətə çevrilmə hekayəsi olan iynə oyasının təkrar gündəmə gətirildiyini söylədi.
 
 Dünyanın "Türk krujevası" kimi tanıdığı iynə oyalarının başda Yaponiya olmaqla, bir çox ölkə xalqının könlündə taxt qurduğunu deyən Aktaş bunları söylədi: "İnanıram ki, qarşıdakı illərdə daha coşğulu və daha çox xarici qonağın iştirak etdiyi bir festival keçirəcəyik. Yeni başlayan bu festivalı böyüdərək davam etdirməliyik. İpəyin şəhəri Bursada keçirilən İynə Oyası Festivalı xeyirli olsun".
 
 Sərginin kuratoru professor Aydan Sürür da ana vətəni Türkiyə olan iynə oyasını yaşatmaq, tanıtmaq və tanımağın əhəmiyyətini vurğuladı.
 
 İynə oyası koleksiyaçısı yapon İkumi Nonaka isə 26 ildir Türkiyədə yaşadığını, iynə oyasını və Türk əl sənətlərini çox sevdiyini dilə gətirdi.
Milli.Az