Goranboy rayonunda yol nəqliyyat hadisəsi baş verib.
Milli.Az "Report"a istinadən bildirir ki, hadisə Goranboy-Naftalan yolunun rayon ərazisindən keçən hissəsində qeydə alınıb.
Belə ki, "Mercedes-Benz" markalı avtomobil motosikletlə toqquşub. Qəza nəticəsində motosikletin sürücüsü, Goranboy rayon Qızılhacılı kənd sakini, 1978-ci il təvəllüdlü Ramin Əli oğlu Rüstəmov ağır bədən xəsarəti alıb. Yaralı öncə Goranboy Rayon Mərkəzi Xəstəxanasına, daha sonra isə Gəncə şəhərində yerləşən xəstəxanaların birinə göndərilib.
Faktla bağlı araşdırma aparılır.
Milli.Az
