Ermənistanda demokratiya eyforiyası yaşanır. Bunu
ermənilərin özləri etiraf edirlər.
Publika.az xəbər verir ki, erməni şərhçi Tevos Arşakyan
Paşinyan hakimiyyətinin keçmiş hökmdarın (Serj Sarkisyan) biabırçı
təcrübəsini davam etdirdiyini yazıb.
Onun sözlərinə görə, Ermənistanda demokratiyalaşmanın eyforiyası
yaşanır:
“Kadrların cavanlaşmasına baxmayaraq, kresloların əksəriyyətini
Koçaryan-Sarkisyan dövründə formalaşmış insanlar tutdular. Nəticədə
demokratiyanın imitasiyasının yaşandığı aydın şəkildə görünür. Biz
artıq yeni hakimiyyətin o haqda bəyanatlarını eşidirik ki,
hökumətin iclasları Sarkisyanın dövründə olduğu kimi yenə də
ictimaiyyətə qapalı keçiriləcək”.
T.Arşakyan dəhşətli adlandırdığı digər faktları da açıqlayıb.
“Misal üçün, Paşinyanın hakimiyyətə gəlişinin 100-cü gününə həsr
olunmuş mitinqinə insanlar məcburi gətirilmişdi. Bəzi məmurlar öz
tabeliyində işləyən işçiləri mitinqə qatılmağa məcbur etdilər. Son
vaxtlar o haqda da həyacanlı məlumatlar yayılır ki, Paşinyan
hakimiyyəti vətəndaş cəmiyyəti və mətbuatı inhisara almaq üçün
hərəkətə keçib. Faktiki olaraq, söz azadlığı boğulur. Biz keçmiş
hökmdarların idarəçiliyini açıq şəkildə hiss edirik”, - deyə erməni
şərhçi yazır.
Asif
