Pekan qozub yağı ən nadir tapılan və qiyməti baha olan yağlardandır. Bu yağ Şimali Amerikada bitən pekan qozundan əldə olunur. Bu qozun tərkibi yunan qozunun tərkibinə çox bənzəyir. Pekan qozu yağını ilk dəfə hindular əldə etmişlər və bu yağdan soyuq qış günlərində xəstələnməmək üçün istifadə edilmişdir.
Pekan qozundan istifadə etmək arteriya və vena damarlarının təmizlənməsinə səbəb olur. Ondan davamlı olaraq istifadə etdikdə damarlardakı xolesterinin miqdarı tamamilə aradan qalxır, orqanizmə güc və enerji gəlir, qan azlığı əlamətləri aradan qalxır.
Milli.Az immunitet.az-a istinadən bildirir ki, ən keyfiyyətli pekan qozu yağı soyuq üsulla qozun sıxılmasından əldə olunan yağdır. Bu zaman yağın tərkibində olan maddələr öz keyfiyyətini itirmir. Bu yağın qoz yağını xatırladan xüsusi qoxusu olur. Pekan qozu yağı orqanizmin soyuqlama xəstəliklərinə qarşı olan müqavimətini artırır və oqanizmə cavanlaşdırıcı təsir bağışlayır. Qida sənayesində pekan qozu yağından salatların dadlandırılmasında istifadə edilir. Dadlı olması üçün bəzən bahalı restoranlarda pekan yağı ilə balıqların qızardılması üçün də istifadə olunur. Pekan qozunun tərkibi 15% proteinlərdən, 15% karbohidratlardan və 70% yağ turşularından ibarətdir. Onun tərkibində olan A, E, B qrup vitaminlər, kalsium, kalium, fosfor, maqnium, sink və fol turşusu yağın qiymətli olmasının göstəricisidir. Pekan qozu yağında 2% Omeqa3, 42% Omeqa6, 47% isə Omeqa9, doymamış yağ turşuları(palmit, stearin və s,)var.
Faydalı və müalicəvi xüsusiyyətləri
Pekan qozu yağı daxilə və xaricə qəbul edilir. Baş və oynaq ağrıları, soyuqlama, ürək-damar xəstəlikləri zamanı pekan qozu yağını daxilə qəbul etməkdə çox fayda var. Dəri qıcıqlanmaları, dərialtı hematomalar, günəş yanıqları, ağcaqanad dişləmələri, dərinin göbələk və bakteriya xəstəlikləri zamanı pekan qozu yağından istifadə etməkdə fayda var.
Bu yağ orqanizmi kanserogen maddələrdən qoruyur.
Varikoz genəlmələr, immunitet zəifliyi və hüceyrələrin yenilənməsi üçün pekan qozu yağından istifadə etmək çox faydalıdır.
Kosmetologiyada tətbiqi
Kosmetologiyada pekan qozu yağından yumşaldıcı, tonuslandırıcı, qidalandırıcı vasitə kimi istifadə edilir. Bu yağ dəriyə cavanlaşdırıcı təsir bağışlayır, dərinin müdafiə qüvvəsi rolunu oynayır.Bu yağ dərinin quruluğunu tamamilə aradan qaldırır, dərini xarici zərərli maddələrdən qoruyur.
Pekan qozu yağı dərini günəş yanıqlarından qoruyur, yanıqlardan sonra əmələ gələn izlərin sağalmasını sürətləındirir, dərinin sağalmasını sürətləndirir, dəri qıcıqlanmalarını aradan qaldırır, dəridəki göbələk və infeksiya xəstəliklərinin sağalmasını sürətləndirir.
Pekan qozu yağı bütün növ dərilərə uyğun gəlir. Pekan qozu yağı dərini sakitləşdirir, tonuslandırır. Onu dəriyə tətbiq edərkən limon, qeran, qızılgül, qreypfurt yağı ilə qarışdırıb da istifadə eləmək mümkündür.
Pekan qozu yağını bibəriyyə, lavanda yağı ilə qarışdırıb dəriyə sürtdükdə dəri sakitləşir və dincəlir.
Pekan yağının tərkibi qoz və badam yağının tərkibinə çox yaxındır. Buna görə də qoz və badam yağının müalicəvi xüsusiyyətlərini pekan yağına da aid etmək olar.
Günəş vannası qəbul edən zaman pekan yağı sürtmək dərinin qaralmasına və yanıqlarıdan xilas olmasına səbəb olur.
Saçların möhkəmlənməsi və tükdibi xəstəliklərdən azad olmaq üçün pekan yağından istifadə etməkdə fayda var.
Pekan yağının zərərli xüsusiyyətləri
Pekan yağının zərərli xüsusiyyətləri barədə heç bir yerdə qeydlərə rast gəlinməyib.
Milli.Az