Son zamanlar şou-biznesin qalmaqallarından uzaqlaşıb, yaradıcılıq işləri ilə məşğul olan müğənni Sevda Yahyayeva bir neçə mahnı yazdırıb.

Müğənni ANS PRESS-ə açıqlamasında, bu il yeniliklərinin bol olacağını desə də, mahnılarını ekranlaşdırmaq fikrində olmadığını bildirdi.

“Bir neçə uğurlu mahnı üzərində çalışıram. Bunlardan biri də “İlk addım”dır. Mahnının musiqisi Muxtar Abhuseynova, sözləri Nicat Zeynallıya məxsusdur. Mahnı estrada janrındadır. Bəstəni bir müddət sonra tamaşaçılar həm radiolarda, həm də "Youtube" kanalımda dinləyə biləcək. Bir neçə ay ərzində başqa yeni mahnılarımı da təqdim edəcəm. Mahnıdan istədiyim uğuru əldə edə bilsəm, klip çəkdirməyi düşünürəm. Sadəcə bizdə kliplərə maraq azalıb. Çəkdirdiyim klipi hansı kanalda, hansı verilişdə nümayiş etdirim? Müğənni bir klipə pul qoyur, zəhmət çəkir, lakin yayımlamağa yer tapmır" - deyən ifaçı, "Fikrimcə, Azərbaycanda klip çəkdirmək, artıq xərcdir” deyərək əlavə etdi.
Mənbə
ANS PRESS