Bakı, 15 aprel, AZƏRTAC
Bu il martın 1-nə banklar və bank olmayan kredit təşkilatları tərəfindən Azərbaycan iqtisadiyyatına kredit qoyuluşları 20 milyard 697,2 milyon manat olub.
AZƏRTAC Mərkəzi Banka istinadən xəbər verir ki, hesabat dövründə dövlət bankları tərəfindən 7 milyard 438,7 milyon manat, özəl banklar tərəfindən 12 milyard 699,1 milyon manat məbləğində kredit verilib.
Martın 1-nə bankların kredit qoyuluşlarının strukturunda 2 milyard 971,3 milyon manat ticarət və xidmət sahələrinin, 269,4 milyon manat energetika, kimya və təbii ehtiyatlar sektorunun, 936,4 milyon manat kənd təsərrüfatı və emal sahələrinin, 2 milyard 846,9 milyon manat tikinti və daşınmaz əmlak sahələrinin, 2 milyard 248,1 milyon manat sənaye və istehsal sektorunun, 831,8 milyon manat nəqliyyat və rabitə sahələrinin, 8 milyard 416,7 milyon manat ev təsərrüfatı sahəsinin, qalan məbləğ isə digər sektorların payına düşür.