“Beşiktaş”ın rəhbəri, 2016-cı ildə kluba keçiriləcək seçkilərdə yenidən namizədliyini irəli sürən Fikrət Orman yeni mövsümdə çalışacağı şəxslər siyahısına cənubi azərbaycanlı iş adamı Rza Zərrabın da adını salıb.

Axşam.az Türkiyə mətbuatına istinadən xəbər verir ki, müğənni Ebru Gündeşin həyat yoldaşı olan Rza bu yaxınlarda F.Ormanla birlikdə yemək yeyərək bəzi məsələləri danışıb.

R.Zərrabın hələlik son qərarını vermədiyi deyilir.

“Beşiktaş”lı azarkeşlər yayılan məlumatlardan sonra sosial şəbəkədə etirazlarını bildiriblər. Onlar Rza Zərrabın klubda yer almamalı olduğunu deyiblər. Tərəfdarlar “Onun “Beşiktaş”da nə işi var? Bizim oğru ilə işimiz olmaz”, - deyə mesajlar yazıblar.

Xatırladaq ki, Rza Zərrab ötən il “17 dekabr –Korrupsiya və Rüşvətlə bağlı Araşdırma”dan sonra həbs olunmuş, 2 ay sonra isə azadlığa buraxılmışdı.