Mövsümün əvvəlində “Qalatasaray”dan “Malaqa”ya icarə əsasında keçən Nordin Amrabat İstanbul klubundan ayrıla bilər. Milli.Az apasport.az-a istinadən xəbər verir ki, buna futbolçunun İspaniya çempionatında uğurlu çıxışı səbəb olub.

Cari mövsümdə özünü yaxşı tərəfdən göstərən mərakeşlinin transferi tam bitirmək üçün "Malaqa" rəsmilərinin Türkiyəyə gəldikləri qeyd olunur. Amrabat “Atletiko” və “Real Sosyedad” matçlarındakı performansı ilə diqqətləri öz üzərinə çəkə bilib.

Qeyd edək ki, İspaniya klubu onun üçün 3.5 milyon avro ödəməyə hazır olduğunu bildirib. Amrabat bu mövsüm 28 oyunda 5 dəfə fərqlənməyi bacarıb.

Milli.Az