Bu gün Bakının bəzi rayonlarında qaz olmayacaq.

“Azəriqaz” İB-dən ANS PRESS-ə verilən məlumata görə, aprelin 15-də saat 10-dan 18-dək “Qaz İxrac” idarəsinin Abşeron magistral qaz kəmərləri sahəsinin “Yeni Zabrat”, “Ramanı” və “Yeni Suraxanı”, Hacıqabul magistral qaz kəmərləri sahəsinin “Duvanı”, “Mədrəsə” və “Ağsu”, Ağdaş magistral qaz kəmərləri sahəsinin “Göyçay-3” və “Yaqublu”, Qazax magistral qaz kəmərləri sahəsinin “Dondarquşçu”, Astara magistral qaz kəmərləri sahəsinin “Yardımlı”, Siyəzən magistral qaz kəmərləri sahəsinin “Yaşma” və “Giləzi” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

Təmir işləri aparılan müddətdə Oğuz, Ağsu və Kürdəmir rayonlarının, Qobustan rayonunun Duvanı qəsəbəsinin, Göyçay rayonunun Mirzəhüseynli kəndinin, Tovuz şəhərinin bir hissəsinin və rayonun Dondar, Ocaqlı, Azaflı, Əsirik, Ağbulaq, Bayramlı kəndlərinin, Yardımlı şəhərinin bir hissəsinin və rayonun Bozayran, Qabazgibi, Sırıq, Mişgiriyin, Cölyəbi kəndlərinin qaz təchizatında məhdudiyyətlər olacaq.

“Azəriqaz”-ın məlumatına görə, aparılan işlərin Bakının Sabunçu rayonunun Ramanı, Yeni Suraxanı və Zabrat qəsəbələrinin bəzi hissələrinin qaz təchizatına təsir göstərməsi də mümkündür.
Mənbə
ANS PRESS