Bakı, 10 aprel, AZƏRTAC
Vaşinqton şəhərində Corc Vaşinqton Universiteti Muzeyinin və Tekstil Muzeyinin yeni binasının ekspozisiyasının təntənəli açılış mərasimində Mədəniyyət və Turizm Nazirliyinin sektor müdiri Azadə Hüseynova və nazirliyin xalsa və xalq tətbiqi sənəti üzrə müstəqil eksperti Əsli Səmədova iştirak ediblər.
Nazirlikdən AZƏRTAC-a bildirilib ki, üç gün davam edən tədbirdə muzeyin direktoru Con Vetenholla və baş mühafiz Sumru Belger Krodu, Tekstil Muzeyinin qəyyumlar şurasının prezidenti Brus P.Baqanza və digər üzvlər, kolleksiyaçılar, tədqiqatçılar iştirak ediblər.
Tədbir çərçivəsində Mədəniyyət və Turizm Nazirliyi tərəfindən hazırlanmış Çələbi Qarabağ xalçasının və Azərbaycan kəlağayısının təntənəli təqdimatı keçirilib.
Daha sonra kolleksiyaçılar tərəfindən iştirakçılar qarşısında açıq müzakirə və şifahi ekspert rəyinin alınması üçün Muzeyin Fond-Satınalma Komissiyasına və tədbirdə iştirak edən müstəqil ekspertlərə təqdim edilmiş 100-dən artıq əşya nümayiş olunub.