Xalq artisti Səməd Səmədov küsülü olduğu keçmiş duet ortağı Sevda Əliqızı ilə barışıb.

Milli.Az axsam.az-a istinadən xəbər verir ki, “5/5” verilişinə dəvət olunan S.Əliqızına aparıcı Zaur Kamal sürpriz edib. O, S.Səmədovu studiyaya çağıraraq, onları barışdırıb.
 
Sevda Əliqızı: “Biz mədəni insanlarıq, ona görə barışdıq. O sözləri Səmədin özündən yox, başqalarından eşitdim. Ona görə də əsəbləşdim. Özünə hörmət edən xanım elə sözlərdən sonra o adamla oxumaz”, - deyə bildirib.

S.Səmədov duet ortağı ilə aralarında baş verən qalmaqalla bağlı bunları deyib:

"Düzünü deyəcəm: Sevdaya bildirdim ki, indi yaşlanmışıq, yeni kadr, cavan səs istəyirəm. Prodüserim ona başqa söz çatdırıb. Sevdaya haqq qazandırıram. Mənə də qocalmısan desələr, dava salardım".

Milli.Az





Videonu izləmək üçün şəklə klikləyin.

фото