Müğənni Natavan Həbibi şəxsi həyatı ilə bağlı etiraflar edib
Milli.Az xəbər verir ki, axşam.az-ın əməkdaşı ilə söhbətində sənətçi sevdiyi insanın olduğunu və toya hazırlaşdığını bildirib:

"Gözlərim gülürsə, demək, sevdiyim insanın olması ilə bağlı xəbərlər doğrudur. Toy günü dəqiqləşməyib. İlin sonuna kimi olacaq. Onu deyim ki, bəyin şou-biznesə aidiyyatı yoxdur, başqa sahənin adamıdır. Medianın toya buraxılıb-buraxılmayacağına isə bəy qərar verəcək".

N.Həbibi Almaniyada Novruz bayramı ərəfəsində "Duisburg eudu" kanalında yayımlanan "Ersoy show" verilişini aldatmaları və canlı efirə qatılmamaqları haqda xəbərlərə də aydınlıq gətirib:

"Almaniyaya çatana kimi neçə ölkə gəzdim. Hava limanına enəndə isə otelə çatmaq üçün 4 saat yol getməli oldum. Necə əsəbi idimsə, məni qarşılamağa gələn Elnur Məmmədovun güllərini başına çırpırdım. Orada biz yox, onlar biabır oldular. Canlı yayıma gecikmək mənim günahım deyildi. Hətta o xəbəri yayan jurnalist bizdən üzr də istəyəcək".

Milli.Az