Papa Ermənistana "yox" dedi. ANS PRESS-in Türkiyə mətbuatına istinadla verdiyi məlumata görə, Ermənistan 1915-ci il hadisələrinin 100-cü ildönümü hesab etdikləri 24 apreldə Papanın İrəvanda xüsusi ayində iştirak etməsini istəyib.

Lakin Türkiyənin diplomatik müdaxiləsi ilə bunun qarşısı alınıb. Vatikan səfiri Mehmet Paçacının səyləri nəticəsində Vatikan İrəvana mənfi cavab verib. Papa 12 apreldə Vatikanda ayin keçirəcək. Amma bu "100-cü il" ayini olmayacaq.

Avropa Birliyi naziri Volkan Bozkır keçən həftə İtaliyanın paytaxtı Romaya rəsmi səfər edib. Səfər zamanı Roma səfiri Aydın Sezgin şam ziyafəti verib. Ziyafətdə iştirak edən Paçacı 12 aprel ayinindən bəhs edib.

Məlumata görə, Ermənistan Papa Franceskonun 24 apreldə İrəvanda özəl ayin keçirməsi üçün ona dəvət göndərib. Bu yolla İrəvan soyqırımı iddialarını dünya güdəmidə saxlamağı və yaymağı planlaşdırıb. Bu barədə xəbər tutan Ankara dərhal "din diplomatiyası"na başlayıb.

Səfir Paçacı bir neçə əhəmiyyətli görüşdən sonra İrəvana "yox" cavabı verilməsini təmin edib.

Papadan istədikləri cavabı ala bilməyən ermənilər ikinci həmlə ediblər. Bu dəfə onlar ayinin Vatikanda keçirilməsini təklif ediblər. “Papa İrəvana gələ bilmirsə, 100-cü il ayini Vatikanda keçirilsin" təklifi Vatikana çatdırılıb. Lakin yenidən başlayan danışıqlarla bu təklif də əngəllənib. Katolik dünyasının ruhani mərkəzindən İrəvana ikinci dəfə "yox" cavabı verilib. Ermənistana aprelin 24-də belə ayinin keçirilməsinin mümkün olmadığı diplomatik dillə izah edilib.

12 apreldə Papa Vatikanda bir ayin idarə edəcək. Ancaq Türkiyə, bu nöqtədə də Ermənistanın “O ayinə 100-cü il özəl ayini adı verilsin" istəyinin qarşısını alınıb.

İndi erməni kilsəsi aprelin 12-dəki ayində dua edəcək Papanın "soyqırım" sözündən istifadə etməsi üçün səylərə başlayıb. Türkiyə səfiri isə ermənilərin bu istəyinin qarşısını almaq, soyqırımı sözü əvəzinə, "böyük acı" və ya bənzər ifadənin işlənməsinə çalışır.

Səfir M.Paçacı Papanın qərarını aprelin 12-də görəcəklərini deyir. "Mən Vatikanın 1915-ci il hadisələrinində həyatını itirən hər kəs üçün dua edəcəyini ümid və təxmin edirəm".

Mənbə
ANS PRESS