Tərkibi:
4 toyuq filesi
3 yerkökü
300 q göbələk
1 baş soğan
100 ml qaymaq
300 q pendir
1 limonun şirəsi
25 q muskat cevizi
duz
istiot
Toyuq ətini nazik şəridlərə doğrayın, dərin qaba yığın.
Limon şirəsi, duz, istiot, üyüdülmüş muskat cevizini qarışdırın, toyuğun üzərinə əlavə edib bir müddət saxlayın.
Yerkökünü qaynadın.
Soğanı xırda doğrayın.
Göbələyi yuyub doğrayın. Hazır doğranmış göbələkdən də istifadə edə bilərsiniz.
Soğanı bitki yağında qovurun.
Göbələyi əlavə edib qovurun.
Qaymaq əlavə edin.
Qarışdırıb tavanın qapağını örtün, bişirin.
20 sm diametrli formanı bitki yağıyla yağlayın.
Ət tikələrini formanın dibinə və kənarlarına döşəyin.
Üzərinə sürtgəcdən keçirilmiş pendir səpin.
Soyumuş göbələyi döşəyin.
Yerkökünü sürtgəcin iri gözündən keçirin.
Göbələyin üstündən yerkökünü döşəyin.
Ətin qalanını spiral formasında döşəyin.
200 dərəcə qızdırılmış sobada 30 dəqiqə bişirin. Piroqun şirəsi çox olacaq, ona görə 30 dəqiqə sonra bu şirəni süzün.
Ət tikələrinin birləşdiyi yerlərə pendir səpin.
Yenidən sobaya qoyun. Pendir əriyib qızarandan sonra çıxarın. 10 dəqiqə formada saxlayın. Sonra buluda çəkin.
Süfrəyə kartof püresi ilə verə bilərsiniz.
Nuş olsun!
Milli.Az
