"Mən "A-trio"nu yaratdım, məşhurlaşdırdım. Məqsədim ifayla tamaşaçını təəccübləndirmək idi, bunu da bacardım. Ramala (müğənni Ramal İsrafilov - red.) qrupumda olanda çox şey öyrətmişəm. Qrupun üzvlərinə fərqli dillərdə mahnılar öyrədirdim. Studiyaya salırdım, qapını bağlayırdım ki, qalın burda oxuyun. Bir həftə onlara muğam dərsi verirdim. Məlumatlar axtarırdım, tapırdım. Sonradan qrupdan getdilər, itirən mən olmadım".

Axşam.az-ın məlumatına görə, bu sözləri "Gündəlik" verilişində əməkdar artist Abbas Bağırov deyib. O, R.İsrafilovla münasibətlərindən danışıb:

"Ramal mənim yanımda olanda mahnı bəstələmirdi. Qrupdan sonra yazdı, gətirib mənə göstərirdi. Ona görə gedib Aygün Kazımovadan, Röyadan, başqa müğənnilərdən xahiş edirdim ki, bunu oxuyun. Gəncdir, dəstək olaq. İstəyirdim o sahədə də tanınsın. Bunu etiraf etsin".