[ 23 Mart 2015 11:46 ]
Bakı. Fuad Cəfərov - APA. Bayram günlərində baş verən yol qəzalarının statistikası açıqlanıb.
Baş Dövlət Yol Polisi İdarəsinin ictimai qurumlarla əlaqə bölməsinin rəisi Kamran Əliyevin APA-ya verdiyi məlumata görə, martın 20-dən 23-ə qədər ölkə ərazisində 25 yol nəqliyyat hadisəsi baş verib. Nəticədə 9 nəfər ölüb, 25 nəfər xəsarət alıb.
K. Əliyev baş verən yol nəqliyyat hadisələrindən 10-nun Bakıda qeydə alındığını bildirib. Paytaxtda baş verən qəzalarda 5 nəfər ölüb, 4 nəfər xəsarət alıb.
