İngiltərədə baş nazirdən reportaj alan teleaparıcının hərəkətləri dünya gündəminə düşüb.

ANS PRESS-in məlumatına görə, ingilis teleaparıcı Suzanna Reyd “Good Morning Britain” adlı proqramda ölkənin baş naziri Devid Kameronla söhbət aparıb.

Danışıq əsnasında Suzannanın hərəkətlərinin naziri başdan çıxarmaq məqsədi daşıdığı iddia edilib. Bu barədə “Daily Mail” qəzeti yazıb.

Xəbərdə bildirilir ki, baş nazirə 14 sual ünvanlayan aparıcının sualının 11-i Kameronun şəxsi həyatı ilə bağlıdır. Bundan başqa, bədən dili mütəxəssisinin də fikrini öyrənən qəzet həqiqətən də Suzannanın baş naziri “dəli etməyi” düşünərək belə hərəkətlərə yol verdiyini yazıb. Bir neçə məqamda aparıcının "italyansayağı" oturuşu nazirin diqqətini dağıdıb. Onun bu addımı “Bozun 50 çaları” filmi ilə müqayisə edilib.

Qeyd edək ki, on il BBC-də işləyən Suzanna Reyd daha sonra “ITV”yə transfer olub və hazırda orada fəaliyyətini davam etdirir.

Mənbə
ANS PRESS