Türkiyədə tükürpədici hadisə yaşanıb. ANS PRESS-in "Hürriyət"ə istinadla verdiyi məlumata görə, ata 6 aylıq qızını divara çırparaq öldürüb. Hadisə Beylikdüzündə qeydə alınıb.

İddiaya görə, A.C körpənin çox ağladığını əsas gətirərək əsəbləşib. O, uşağı yerindən götürərək divara atıb.

Məlumata görə, adı açıqlanmayan cütlüyün ilk övladı 6 ay öncə doğulub. Ata oğlan övladı arzusunda olub. Qızı doğulandan sonra isə depresiyaya düşüb. Aylarla həyat yoldaşını qız uşağı dünyaya gətirməkdə ittiham edib. Bir gecə isə "çox ağlayır" deyərək onu divara çırpıb. Yerə düşən uşaq hərəkətsiz qalıb.
Evə çağrılan təcili yardım körpənin öldüyünü təsdiqləyib.

Ata ilk olaraq uşağın yıxıldığını deyib, həyat yoldaşını da təhdid edərək susdurub.

Ancaq baş verənləri öyrənən kişinin baldızı dərhal polisə məlumat verib. Polis atanı yaxalayaraq barəsində həbs qətiimkan tədbiri seçib.
Mənbə
ANS PRESS