[ 16 Mart 2015 20:34 ]
Bakı-APA. Ukraynanın Odessa şəhərində terror aktı törətməkdə şübhəli bilinən 5 nəfər saxlanılıb.
APA-nın UNN agentliyinə istinadən verdiyi xəbərə görə, bu barədə Ukrayna Təhlükəsizlik Xidməti sədrinin müşaviri Markiyan Lubkivskiy bildirib.
“Partlayış törətməkdə şübhəli bilinən 5 nəfər saxlanılıb. Onların hamısı Ukrayna vətəndaşlarıdır. “Terror aktı" maddəsi üzrə cinayət işi qaldırılıb. ”, deyə M. Lubkivskiy bildirib.
Xatırladaq ki, martın 12-də “Samopomoş” partiyasının qərargahının yerləşdiyi binada partlayış baş vermişdi. Hüquq-mühafizə orqanları hadisəni terror aktı kimi qiymətləndirib.
