Kanal S (Region TV) xəbər verir ki, Şəkidə yol nəqliyyat hadisəsi baş verib. Rayonun Aşıq Cuma küçəsində Vəliyəddin Musayevin idarə etdiyi "Qazel" markalı yük maşını dönmə əməliyyatını yerinə yetirərkən, eyni istiqamətdə hərəkətdə olan, Vüqar Babayevə məxsus "VAZ-2106" markalı minik avtomobili ilə toqquşub.

Hadisədə sürücülərdən heç biri xəsarət almasa da, "Jiquli"nin sərnişini, Şəkinin Çapağan kənd sakini Məmməd Hacıağayev xəsarət alıb. Yaralı Şəki Mərkəzi Rayon Xəstəxanasına çatdırılıb, vəziyyətinin qənaətbəxş olduğu bildirilir. Qəzanın dəqiq səbəbləri aparılan araşdırmalardan sonra bəlli olacaq.

Milli.Az