Həftəsonu Rusiyanın paytaxtı Moskvada güllələnərək qətlə yetirilən siyasətçi Boris Nemtsov dəfn edildi. ANS PRESS-in məlumatına görə, siyasətçi bir necə saatlıq vida mərasimindən sonra Troekurovski qəbristanlığında torpağa tapşırılıb.

Dəfndən öncə dualar oxunub. Mərasimdə onun yaxınları, dostları və tərəfdaşları iştirak ediblər.

Xatırladaq ki, 4 güllə yarası alaraq fevralın 28-də gecə saatlarında qətlə yetirilən Nemtsovla vida mərasimi səhər saatlarında başlayıb.

Vida mərasiminə ölkənin bir çox tanınmış ictimai xadimi, baş nazirin müavini Sergey Prixodko, Arkadi Dvorkoviç, kənd təsərrüfatı naziri Nikolay Fyodorov, “Rosnano”nun sədri Anatoli Çubays, “Sberbank”ın rəhbəri German Qref, keçmiş maliyyə naziri Aleksey Kudrin, mərhum prezident Boris Yeltsinin həyat yoldaşı Naina Yeltsina və qızı, Böyük Britaniyanın sabiq baş naziri, Britaniya və ABŞ səfirləri, o cümlədən Avropa İttifaqının Rusiyadakı səfiri iştirak edib.

Mərhumun tabutu alqışlar və "Qəhrəmanlar ölmür" sədaları altnda zaldan çıxarılıb.
Mənbə
ANS PRESS