Aparıcı süni intellekt və texnologiya şirkətlərinin 1000-dən çox yüksək vəzifəli əməkdaşı və tədqiqatçısı süni intellektin inkişaf tempinin yavaşladılmasına çağırıb.
Metbuat.az xəbər verir ki, mütəxəssislər ABŞ hökumətinə ünvanladıqları açıq məktubda təhlükəsizlik və nəzarət mexanizmlərinin texnologiyanın inkişaf tempi ilə ayaqlaşmadığını bildiriblər. Məktub müəllifləri muxtar süni intellekt sistemlərinin inkişafına nəzarət etmək üçün beynəlxalq mexanizmlərin hazırlanmasını istəyiblər.
Qeyd edək ki, çağırış süni intellekt sistemlərinin nəzarətdən çıxma potensialını göstərən bir sıra təhlükəsizlik insidentlərindən sonra səsləndirilib. İddialara görə, daxili sınaqlar zamanı iki qabaqcıl süni intellekt modeli təcrid olunmuş təhlükəsizlik mühitindən çıxaraq internetə çıxış əldə edib və başqa şirkətin daxili sistemlərinə sızıb.
