"Real Madrid"in türkiyəli futbolçusu Arda Güler klubun sosial media hesabında azarkeşlərin suallarını cavablandırıb.
Metbuat.az xəbər verir ki, 20 yaşlı yarımmüdafiəçi məşqlərə qayıtdığı üçün xoşbəxt olduğunu və yenidən ən yaxşı oyununu göstərmək istədiyini bildirib. Arda Güler Joze Mourinyo kimi əfsanəvi mütəxəssislə işləməyin onun üçün böyük fürsət olduğunu deyib. Türkiyəli futbolçu Mourinyonun və məşqçilər heyətinin gözləntilərini aydın şəkildə izah etdiyini, meydanda isə futbolçulara səmimi yanaşdıqlarını vurğulayıb. Arda yeni mövsüm öncəsi əsas məqsədin çox çalışmaq, fiziki hazırlığı artırmaq və məşqçilər heyətinin istəklərini tam yerinə yetirmək olduğunu qeyd edib.
O, "Real Madrid"də keçirdiyi illər ərzində böyük təcrübə qazandığını söyləyərək, qarşıdakı mövsümdə də bütün titulları qazanmaq və azarkeşləri sevindirmək istədiyini bildirib.
