Alimlərdən yeni sağlamlıq xəbərdarlığı: gündəlik həyatımızda tez-tez etdiyimiz bir vərdişin beynin fəaliyyətinə ciddi təsir etdiyi üzə çıxıb.
Metbuat.az xəbər verir ki, mütəxəssislərin araşdırmalarına görə, uzun müddət fasiləsiz şəkildə telefon və sosial media istifadəsi diqqət dağınıqlığı, yaddaş zəifləməsi və yuxu pozuntularına səbəb ola bilər. Xüsusilə gec saatlarda ekran qarşısında qalmaq beynin istirahət prosesini ləngidir.
Həkimlər bildirirlər ki, bu vəziyyət uzun müddətdə həm psixoloji gərginlik, həm də stress səviyyəsinin artması ilə nəticələnə bilər. Buna görə də gün ərzində “rəqəmsal fasilə” vermək və yatmazdan ən azı 1 saat əvvəl ekranlardan uzaq qalmaq tövsiyə olunur.
Mütəxəssislər sağlam beyin fəaliyyəti üçün real ünsiyyət, açıq hava gəzintiləri və yuxu rejiminə riayət etməyin vacibliyini vurğulayırlar.
